Lea-Artibai eta Mutriku

Eguraldi eta giro onagaz egin da aurtengo Bizikleta Martxa

Etxebarria Lea-Artibaiko herrietako parte-hartzaile asko egon dira; ibilbidea normaltasunez amaitzea lortu dute guztiek.

a. alkorta

Euskal Herri osoko 42 lagunek hartu zuten parte zapatuan egin zen Etxebarriako Bizikleta Martxan. Gehienak Lea-Artibaikoak baziren ere, beste hainbat lekutatik ere jende asko joan zen Etxebarrira.

Ibilbidea iazko modukoa izan zen, baina azken tartean aldaketa batzuk egin ziren. Etxebarrira bueltatzeko, Iparragirretik Salkortara joan ziren txirrindulariak, eta hortik Iturretara eta gero San Martinera. Parte-hartzaileak gustura geratu ziren berrikuntza horregaz, eta ibilbide osotik gehien gustatu zitzaien tartea izan zela gaineratu zuten.

Euririk ez, Ametsik ere ez

Euririk gabeko eguraldiagaz, txirrindulari guztiek ibilbidea amaitzea lortu zutela azaldu dute antolatzaileek.

Halaber, Amets Txurruka txirrindulari markinarra bertan egon ezin bazen ere, datorren urtean mendi bizikleta martxaren datak aldatuko dituztela iragarri zuten. «Ametsek ibilaldi horretan parte hartzeko aukera izan dezan, datorren urtean beste egun batean egingo dugu».